திரைப்பட இயக்குனர் வெற்றிமாறனின் நிறுவனமான ஐ ஐ எப் சி மற்றும் வேல்ஸ் கல்வி குழுமம் மாணவர்களுக்கு திரைப்பட கல்வியை கட்டணம் இன்றி வழங்குவதற்காக புரிந்துணர்வு ஒப்பந்தம் கையெழுத்து.
வேல்ஸ் பல்கலைக்கழகமும் பன்னாட்டுத் திரை பண்பாட்டு மையமும் இணைந்து
பொருளாதாரத்தில் பின் தங்கிய மாணவர்களுக்கு மூன்றாண்டு திரைப்படக் கல்வியை கட்டணமின்றி வழங்குகிறது.
இதற்க்கான புரிந்துணர்வு ஒப்பந்தம் வேல்ஸ் பல்கலைக்கழகத்தின் நிறுவன வேந்தரும் திரைப்பட தயாரிப்பாளருமான டாக்டர் ஐசரி கே.கணேஷ் மற்றும் பன்னாட்டு திரை பண்பாட்டு மையத்தின் நிறுவனத்தலைவர் இயக்குநர் வெற்றிமாறன் ஆகியோர் முன்னிலையில் இந்த ஒப்பந்தம் கையெழுத்தானது.
இதில் B.Sc Film Studies (3 Years), M.Sc. Film and culture studies (2 years), PG Diploma in Media skills (1 year) மாணவர்களுக்கு இலவசமாக ஏட்டுக்கல்வியுடன் செயல்முறைக்கல்வியும் வழங்க திட்டமிடப்பட்டுள்ளது.
இது குறித்து திரைப்பட இயக்குனர் வெற்றிமாறன் பேசியபோது ஒரு வருடத்திற்கு முதலில் இந்த ஒப்பந்தம் போடப்பட்டுள்ளது அது மாணவர்களின் வருகையை பொறுத்து புதுப்பிக்கப்பட்டு கட்டணம் இன்றி கல்வி வழங்கப்படும் .
குடும்பத்தில் முதல் பட்டதாரிக்கு முக்கியத்துவம் அளிக்கப்படும் மேலும் அவர்களுக்கு தங்குவதற்கான ஏற்பாடுகளும் கட்டணமின்றியே வழங்கப்படும்.
பொதுவாக மாணவர்கள் எந்த போதை பழக்கங்களுக்கும் அடிமையாகி விடக்கூடாது அப்படி குறிப்பிட்ட சில பழக்கங்களுக்கு அடிமையாகும் நிலைமை ஏற்பட்டால் அதிலிருந்து வெளியே வருவதற்கான முழு முயற்சிகளை மேற்கொள்ள வேண்டும் நானும் சில வருடங்கள் புகை பிடித்து வந்தேன் தற்சமயம் அதை முழுமையாக நிறுத்தியுள்ளேன்.
தற்சமயம் விடுதலை 2 திரைப்படம் படப்பிடிப்பு போய்க் கொண்டிருக்கிறது அதன் பிறகு அடுத்த அப்டேட் கொடுக்கப்படும்.
ஆன்லைன் மூலமாக இதன் படிவங்கள் கொடுக்கப்பட்டுள்ளது அதன் வாயிலாக விருப்பப்படும் மாணவர்கள் இதில் இணைந்து முழுமையாக கட்டணம் இன்றி பயிலலாம் என தெரிவித்தார்.
இது குறித்து வேல்ஸ் பல்கலைக்கழக வேந்தர் ஐசரி கணேஷ் பேசிய பொழுது எங்கள் பல்கலைக்கழகத்தின் வகுப்பறைகள் வளாகம் கருவிகள் அனைத்தையும் நாங்கள் வெற்றிமாறனின் நிறுவனத்திற்கு ஒப்பந்தம் மேற்கொண்டதன் அடிப்படையில் கட்டணம் இன்றி வழங்குகிறோம்.
அவர் மாணவர்களுக்கு பயிற்சி அளிக்கிறார் அதன் பிறகு எங்கள் கல்லூரியின் சார்பாக மாணவர்களுக்கு சான்றிதழ்கள் வழங்கப்படும் என தெரிவித்தார் .