துர்கா ஸ்டாலின் காரைக்குடியில் கொப்புடை அம்மன் ஆலயத்தில் சுவாமி தரிசனம்
சிவகங்கை மாவட்டம் காரைக்குடியில் உள்ள புகழ்பெற்ற கொப்புடை அம்மன் கோயிலில், தமிழக முதல்வர் மு.க. ஸ்டாலினின் மனைவி துர்கா ஸ்டாலின் இன்று சாமி தரிசனம் செய்தார். முன்னதாக குன்றக்குடி சண்முகநாதப் பெருமான் கோவிலில் வழிபாடு நடத்திய அவர், பின்னர் கொப்புடை அம்மன் கோவிலுக்கு வருகை தந்தார். அங்கு அவருக்குக் கோவில் நிர்வாகம் சார்பில் சிறப்பான வரவேற்பு அளிக்கப்பட்டு பிரசாதங்கள் வழங்கப்பட்டன. அம்மனை மனமுருகி வழிபட்ட அவர், கோவிலில் நடைபெற்ற சிறப்புப் பூஜைகளிலும் கலந்து கொண்டார்.
