பதிவுத்துறையில் ஒட்டகத்தை நுழைய விடுவதா? – அன்புமணி எதிர்ப்பு.
* பத்திரப் பதிவு, நில அளவைப் பணிகளைத் தனியார்மயமாக்கும் முயற்சிகளைக் கைவிட வேண்டும்.
* சென்னை அம்பத்தூர், திருவான்மியூர், தியாகராயர் நகர், செங்கல்பட்டு, கோவை ஆகிய 5 இடங்களில் தனியார் பத்திரப் பதிவு மையங்கள் அமைக்க அரசு ஒப்பந்தப்புள்ளி கோரியுள்ளது.
* இம்மையங்களில் வழக்கமான கட்டணத்துடன் ரூ.2,090 முதல் ரூ.10,630 வரை கூடுதல் சேவைக் கட்டணம் வசூலிக்கத் திட்டம்.
* தமிழகத்தில் 595 பத்திரப் பதிவு அலுவலகங்கள் உள்ள நிலையில், அரசு அலுவலகங்களிலேயே மேம்பட்ட வசதிகளை ஏற்படுத்தலாம்.
* பத்திரப் பதிவு மூலம் நடப்பாண்டில் ரூ.35,109 கோடி வருவாய் கிடைக்கும் என மதிப்பிடப்பட்டுள்ளதால், அதில் 1% நிதியைக் கொண்டே அரசு அலுவலகங்களை மேம்படுத்த முடியும்.
* நில அளவைத் துறையில் மாதம் ரூ.23,000 ஊதியத்தில் பணியாற்றும் தற்காலிக சர்வேயர்கள் டிசம்பருடன் நீக்கப்படலாம் என்றும், ஜனவரி முதல் நில அளவைப் பணிகள் தனியாரிடம் ஒப்படைக்கப்படலாம்.
* முதலில் தலையை மட்டும் கூடாரத்துக்குள் நுழைக்கும் ஒட்டகம், பின்னர் முழுக் கூடாரத்தையும் ஆக்கிரமிக்கும்; அதுபோலதான், 5 தனியார் மையங்கள் மூலம் ஒட்டுமொத்தப் பதிவுத் துறையும் தனியார்மயமாகும் அபாயம் உள்ளது.
* தனியார்மயமாக்கல் ஊழல், முறைகேடுகள் மற்றும் கூடுதல் செலவுகளை அதிகரிக்கும்; இரு துறைகளிலும் பணியாளர்களை நியமித்து அடிப்படைக் கட்டமைப்புகளை வலுப்படுத்தக் கோரிக்கை.
