கைனெடிக் மோட்டார் நிறுவனத்தில் சேருவதற்கு முன்பு, கலிபோர்னியாவை தளமாகக் கொண்ட பார்ரா இன்டர்நேஷனல் என்ற முதலீட்டு நிறுவனத்தில் நான்கு ஆண்டுகள் பணிபுரிந்தார் சுலஜ்ஜா.
இந்திய தொழிலதிபர் மற்றும் கைனெடிக் இன்ஜினியரிங் லிமிடெட்டின் துணைத் தலைவராக இருப்பவர் சுலஜ்ஜா ஃபிரோடியா மோட்வானி. இந்நிறுவனம் ஒரு வாகன உற்பத்தி நிறுவனமாகும். இது சுலஜ்ஜாவின் மறைந்த தாத்தா ஹெச்கே ஃபிரோடியாவால் 1972-ல் நிறுவப்பட்டது.
அவர் ஃபிரோடியா குடும்பத்தின் மூன்றாம் தலைமுறை வாரிசு. சுலஜ்ஜா கைனெடிக் கிரீன் எனர்ஜி அண்ட் பவர் சொல்யூஷன்ஸ் லிமிடெட் நிறுவனத்தை நிறுவி அதன் தலைமை நிர்வாக அதிகாரியாக வழிநடத்தி வருகிறார். புனே பல்கலைக்கழகத்தில் வணிகவியலில் இளங்கலைப் பட்டம் பெற்ற சுலஜ்ஜா, பிட்ஸ்பர்க்கில் உள்ள கார்னகி மெலன் பல்கலைக்கழகத்தில் எம்பிஏ முடித்தவர்.
இன்றைய நிலவரப்படி ரூ.26,300 கோடி சந்தை மூலதனத்தைக் கொண்ட கைனெடிக் இன்ஜினியரிங் லிமிடெட் நிறுவனத்தில் சுலஜ்ஜா முக்கிய பங்கு வகிக்கிறார். கைனடிக் குழுமத்தின் ஒட்டுமொத்த வணிக உத்தி மற்றும் மேம்பாட்டிற்கு அவர் தான் முழுப் பொறுப்பு.
கைனெடிக் மோட்டார் நிறுவனத்தில் சேருவதற்கு முன்பு, கலிபோர்னியாவை தளமாகக் கொண்ட பார்ரா இன்டர்நேஷனல் என்ற முதலீட்டு நிறுவனத்தில் நான்கு ஆண்டுகள் பணிபுரிந்தார் சுலஜ்ஜா. இந்தியாவின் முன்னணி உற்பத்தியாளர் மற்றும் இருசக்கர வாகன ஏற்றுமதியாளரான கைனெடிக் குழுமத்தின் தலைவர் அருண் ஃபிரோடியாவின் மகள் தான் சுலஜ்ஜா. இவர் மணீஷ் மோத்வானியை மணந்தார். இவர்களுக்கு சித்தந்த் என்ற மகன் உள்ளார்.