நடிகர் சந்தானம் தனது டிடி திரைப்படம் மூலம் ரசிகர்களுக்கு ஆன்லைன் சூதாட்டங்களை தவிர்க்க வேண்டும் என அறிவுறுத்தப்பட்டுள்ளதாக தெரிவித்தார்
நடிகர் சந்தானத்தின் டிடி திரைப்படம் திரையரங்கில் வெளியாகியதையொட்டி குரோம்பேட்டை வெற்றி திரையரங்கம் சந்தானம் ரசிகர்களுடன் அமர்ந்து படம் பார்த்தார்.
தமிழகம் முழுவதும் நடிகர் சந்தானத்தின் புதிய திரைப்படமான டிடி திரைப்படம் வெளியாகி உள்ளது. சந்தானம் ரசிகர்கள் காலை முதல் திரையரங்கு வாயிலில் படம் வெளியானதை ஒட்டி பட்டாசு வெடித்து, இனிப்புகள் வழங்கி கொண்டாடி வருகின்றனர்.
அதனை ஒட்டி சென்னை குரோம்பேட்டையில் உள்ள வெற்றி திரையரங்கில் சந்தானம் தனது ரசிகர்களுடன் அமர்ந்து திரைப்படத்தை பார்த்தார்.
பின்னர் திரைப்படத்தை பார்த்த பின் வெளியே வந்த நடிகர் சந்தானம் செய்திகளிடம் கூறியதாவது,
அனைத்து ரசிகர்களும் பார்க்கக்கூடிய குடும்பப் பாங்கான திரைப்படம் அதே போல சந்தானத்தின் காமெடி மீண்டும் இதில் பார்க்கலாம் மேலும் தனது ரசிகர்களுக்கு திரைப்படம் மூலம் ஆன்லைன் சூதாட்டங்களை தவிர்க்க வேண்டும் என்றும் நல்ல விளையாட்டுகளை விளையாட வேண்டும் என்றும் அறிவுறுத்தப்பட்டுள்ளதாக தெரிவித்தார்.
இதுக்கு முன்னர் திரைப்படம் பார்க்க வந்த சந்தானத்தின் ரசிகர்கள் 50 அடி உயர பேனருக்கு பால் அபிஷேக் செய்தனர். முதல் காட்சி அனைத்தையும் குறவர் மக்களுக்கு ரசிகர்கள் இலவசமாக டிக்கெட் வழங்கினர்.